Орал медресе колледжінде медресе шәкірттерімен құқықтық тәрбие бағытында кездесу өтті. Кездесуге БҚО ПД полиция аға лейтенанты Е.Елемесов пен полиция майоры А.Ахатов арнайы келіп, құқық бұзушылықтың алдын алу, жасөспірімдердің құқықтары мен міндеттері, интернет қауіпсіздігі, қоғамдық тәртіпті сақтау сынды тақырыптарда кеңінен ақпарат берді.
Олар нақты мысалдар келтіріп, құқық бұзушылықтың салдары мен жауапкершілігін түсіндіріп, болашақта заңға қайшы әрекеттерден аулақ болуға шақырды.
Кездесу сұрақ-жауаппен жалғасып, шәкірттер өздерін толғандырған құқықтық мәселелер бойынша толыққанды мәлімет алды.
Мұндай кездесулер шәкірттердің құқықтық сауаттылығын арттырып, саналы ұрпақ тәрбиелеуге септігін тигізеді.
Жаңалықтар
Ұстаздар күніне орай білім мен тәрбие жолында аянбай еңбек етіп жүрген ұстаздарға зор құрмет көрсетілді.
Қазақстан мұсылмандары діни басқармасының Бас мүфтиі атынан алғыс хаттар табысталып, қаржылай сыйақы берілді.
Аталған марапаттарды Батыс Қазақстан облысының Бас имамы өзі арнайы келіп табыс етті.
«Медресеміздің 2-ші курс шәкірттерінен бір жыл көлемінде алған білімдерін тексеру мақсатында бақылау емтиханы ұйымдастырылады.»
БҚО облысының, Пәтуа бөлімінің жауапты маманы Амреев Ораз медресе шәкірттерімен кездесті.
Пәтуа бөлімінің жұмысын таныстырды Соңғы шыққан пәтуалармен шәкірттерді таныстырды
Бұл кездесу шәкірттердің рухани білімін арттырып, олардың түсінігін кеңейтті.
Орал медресе колледжінде шәкірттермен "Мүфтият тынысы" атты танымдық кездесу ұйымдастырылды. Шараға "Ар-Рахман" мешітінің найб имамы Бағдат Русланұлы арнайы келіп, шәкірттерге ҚМДБ-ның бағыттары, муфтият құрылымы, атқарып жатқан жұмыстары мен рухани бастамалары жайлы кеңінен мәлімет берді.
Кездесу барысында діни кадрлардың дайындығы, имамдардың жауапкершілігі, уағыз-насихат жұмыстары мен қоғамдағы дін қызметкерінің рөлі туралы жан-жақты айтылып, шәкірттер тарапынан қойылған сұрақтарға нақты жауаптар берілді.
Мұндай кездесулер шәкірттердің діни көзқарасын қалыптастырып, болашақта елге адал қызмет ететін дін маманы болуына үлкен серпін береді.
Орал» медресе-колледжінде кезекті оқу жылы өз мәресіне жетіп, болашақ исламтанушылар қорытынды аттестациядан өтті. Шәкірттер билет және қосымша ауызша сұрақ-жауап форматында емтихан тапсырып, білім деңгейлерін сынға салды.
Емтихан комиссиясына Қазақстан мұсылмандары діни басқармасының Діни білім және кадр дайындау бөлімінің меңгерушісі Хасан Аманқұлов төрағалық етті. Сондай-ақ комиссия құрамында «Ар-Рахман» мешітінің наиб имамы Бағдат Шақаев пен медресе-колледждің ұстазы Махмед Серік болды.
Шараның басында «Орал» медресе-колледжінің директоры Талғат Мұратұлы комиссия мүшелерін таныстырып, шәкірттерге сәттілік тіледі. Ол бұл емтиханның діни білім жолындағы маңызды белес екенін атап өтіп, түлектерге ілімдеріне береке тіледі.
Комиссия төрағасы Хасан Аманқұлов ҚМДБ Төрағасы, Бас мүфти Наурызбай қажы Тағанұлының сәлемін жеткізіп, білім алушыларға ақ жол тіледі.
Айта кетейік, биыл медресе-колледжді 11 түлек тәмамдады. Олардың біреуі – үздік диплом иегері.
Белгілі ұстазымыз Рант мүшесі Медет Құрсақов медресе шәкірттерімен кездесті.
Кездесу барысында ұстаз шәкірттерге діни білімнің маңыздылығы, тақуалық, уақытты тиімді пайдалану, ата-ана мен ұстазға құрмет көрсету, және имамдық жолдағы жауапкершілік туралы құнды кеңестер мен тәлім-тәрбиеге толы ойлар айтты. Сонымен қатар, шәкірттер сұрақтар қойып, ұстаздан рухани бағыт-бағдар алды.
